Caite a' bheil thu a' fuireach cù dubh? tha mise ann an Inbhir Nis, bha sneachd tròm againn a-raoir ach dhuisg mi sa mhadainn agus bha i air falbh! 's chan eil againn a-nis ach uisge na mollachd! agus gaoth! bha mi an duil a dhol dhachaigh a-maireach ach tha Cal Mac a cuir bacadh orm! Meabainn!!
co-dhiu, feumaidh mi togail orm, tha obair agam ri dheanamh... ach mo thuraidhe se Dihaoine a th'ann agus chan urrain dhomh bhi air mo bhuadraigeadh!! Tha mi an dòchas gum bith deogh dheireadh sheacdainn agaibh uile! tha mise dol sios a dh'Obar Dheathain airson Cliar fhaicinn!
Tha mi a fuireach faisg air Glaschu. Tha fhios 'am gu bheil thu a' fuireach ann an Inbhir-Nis ach 's ann à Inbhir Nis a tha thu? Feumaidh mi ràdh gu bheil Gàidhlig bhreagha agad. An do dh'ionnsaich thu aig a' glùin? 'S e neach-ionnsachaidh a th' annam agus tha mi a' smaoineachadh gu bheil i glè dhoirbh. Bha sneachd trom againn -sa' mhadainn ach rinn e turadh. Ach tha i fuar is gaoth fhathast. Co-dhiù, Fàilte chun a bhùird.
mòran taing ille! 's ann as Na Hearadh a tha mi, far an d'fhuar mi m'àrach òg, cha robh beurla agam idir gus an robh mi ochd bliadhna dh'aois anns an sgoil! rinn mi ceum Gàidhlig ann an oilthigh Obar Dheathainn agus tha mi a' nis ag obair aig Bòrd na Gàidhlig. Se àm gu math inntineach a th'ann le Achd na Gàidhlig againn agus a-nis tha sinn an dòchas Plana Nàiseanta na Gàidhlig fhoillseachadh ann an ùine nach bidh ro fhada!
Tha Gàidhlig uabhasach math agad fhèin cuideachd. Tha mi a' crèidsinn gur e cànan duilich a th'ann an Gàidhlig ma tha agad ri ionnsachadh. Tha mi a' smaoineachadh gu bheil mi fhìn gu math fortonach nach eil agam ri sin a' dhèanamh! ach dìreach mar luchd labhairt na beurla, tha sinn ag ionnsachadh abairtean agus gnathsan cainnt ùr gach latha!
Tapadh leat, thòisich mi oirre ionnsachadh mu thri bliadhnachan air ais. Ach tha mi ag ionnsachadh leam-fhin aig an taigh...le leabhraichan, teipichean, telebhisean agus rudeigin eile mar sin. Tha mi 'n dòchas gum tèid mi air-ais gu colaisde an ath-bhliadhna. Ach tha bean is teaghlach agam agus 's dòcha gum bi e glè dhoirbh dhomsa. Tha mi airson a dhol ann a dh' aindheoin sin cia-tà. Am faca tu comadaidh òir air TV a-raoir? Bha e glè èibhinn. Co-dhiù, mar sin sin leat.
Latha Naomh Anndra sona dhuibh!!! Ge b'e càit' a bheil sibh air an t-saoghal mhòr tha mi 'n dòchas gun tog sibh glainne uisge beatha na shlàinte. Slàinte!
O deoch-slainte mo ghaisgich 'S coir a faicinn 'ga lionadh Us a cumail an cleachdadh Mar fasan da rireadh H-uile fear leis nach ait i F'agam esan an iotadh Bhith 'ga h-ol gur h-e b'annsa Ma's branndaidh no fion i Gur e b'annsa, gur e b'annsa
A bheil sibh uile a' coimhead air adhart ris a' Nollaig? Cha bhi i fada gus am bi i oirnn a-rithist. Tha na bùthan uabhasach trang an-seo. Is beag orm a bhith a' dol timcheall nam Bùthan aig àm na bliadna seo.
ò uill... tha Nollaig ann a dh'aithghearr... agus chan eil airgead agam 's beag orm a bhith a cheannach stuth a-nis. Tha gaol agam air mo theaglach ach 's luath orm bùthan làna idir.
tsk tsk... chuala mi "silent night" an-diugh... 's dòchas 's e Nollaig a th'ann gu dearbh!
Sgriobh mo theagleach "wish list"... argh... cait a bheil wish list agam? Tha mi airson faclair gàidhlig (colin mark). A bheil thu smaoineachadh gum fhaigh mi e? chan eil, feumaidh mi ga cheannich mi fhìn.
'S e sgeul duillich a th' ann gun teagamh a bhrònag bhochd. Ach cha gabh dragh m' eudail. Tha mi cinnteach gun toir bodach na Nollaig rudeigin sònraichte dhut. 'S e faclair math a th' ann co-dhiù.
Chaidh mi-fhin is mo theaghlach dhan taigh-dhealbh an-dè agus chunnaic sinn The chronicles of Narnia. Bha e glè mhath agus chòrd e ris a' chlann glan. Am faca duine sam bith eile e fhathast? Tha fhios 'am gur e Crìosdaidh a th' ann an Wizard agus 's e teachdaireachd chriosdail làidir a th' aig an leabhar. Saoil am bi thu a' dol a dh' fhaicinn Wizard. Chòrd e rium cuideachd.
0 User(s) are reading this topic (0 Guests and 0 Anonymous Users)